நாட்கள்

 நாட்கள் கடந்து போகும் போது

திரும்பி பார்க்கும் ஆவலும் கூடவே வருகிறது ,

எதை காண திரும்புகிறேன் ?

எத்தனை முயன்றும் கை வராமல் போன 

தைரியங்களை எட்டிப்பிடிக்கவா ?

நாக்கு நுனி வரை  வந்து   

சொல்லாமல் முழுங்கின வார்த்தைகளை தேடியா?

திரும்பின பாதை முழுதும் உபயோகப்படுத்த தவறின 

செயல்களும் ,சொற்களும்  உயிரற்று பரவி கிடக்கிறது -

"இனி வரும் பாதையில் இந்த கொடுமைகளுக்கு இடமில்லை  "

எனக்குள்ளே  சொல்லும் நான் கழுத்தை திருப்பி 

முன் பக்கம் மட்டுமே பார்க்க பழகுகிறேன் 

என் முன்னால் விரிவது வீணாக்கப்படா  நாட்கள் எனும்  நம்பிக்கையில்!